State Bank Denies Rumors About Marked Pakistani ke dino mein social media par aik jhooti khabar viral ho rahi hai jisme kaha gaya hai ke aise currency notes jin par kisi qisam ka pen ka nishaan ya likhai ho, 1 July 2025 ke baad qabil-e-istamal nahi rahenge. Is afwaah mein yeh bhi kaha gaya ke aise notes sirf 30 June 2025 tak banks se tabdeel karwaye ja sakte hain.
Haqeeqat jaanne ke liye media ne State Bank of Pakistan se raabta kiya. Markazi bank ne mukammal tor par in afwaahon ko galat aur ghalat fahmi par mabni qarar diya.
State Bank ke chief spokesperson Noor Ahmed ne wazeh taur par kaha ke State Bank ne aise kisi bhi ban ya note se mutaliq koi notification jari nahi kiya. Unho ne kaha ke currency notes mulki assasa hain aur awam ko chahiye ke inko ehtiyaat se istemal karein. Lekin sirf pen ka nishaan kisi note ko na-qabil-e-istamal nahi banata.
Noor Ahmed ne logon ko mashwara diya ke afwaahon par yaqeen na karein aur sirf State Bank ki taraf se jari shuda rasmi maloomat par bharosa karein.
