Benazir Kafalat 13500 Payment Pakistan ki hukoomat ne Benazir Kafalat Program ka Phase 2 dobara shuru kar diya hai. Ye un logon ke liye hai jo pehle phase mein kisi wajah se verification complete nahi kar sake aur unhein 13,500 rupees ki madad nahi mil saki. Ab aap dobara apni maloomat verify karwa ke is financial madad ke liye ahl ho saktay hain.
Verification Kab Shuru Ho Rahi Hai?
Phase 2 ki verification ka aaghaz 25 April 2025 se ho raha hai. Tamam ahl khawateen-o-hazrat ko hidayat di gayi hai ke foran apni eligibility check karain ya to 8171 web portal per jaa kar ya SMS ke zariye.
Eligibility Check Karne Ka Tarika (8171 Portal):
-
Browser kholen aur 8171 web portal visit karen
-
Apna 13 huroofi CNIC number (baghair dash ke) enter karen
-
Screen per diya gaya captcha fill karen
-
“Maloom Karen” button per click karen
-
Kuch seconds mein aapka eligibility result show ho jayega
Agar aapka record sahi hai, to aapko ek message milega ke aap payment ke liye ahl hain.
Visit Main Website: https://www.bisp.gov.pk/
Jin Logon Ka Naam Pehle Phase Mein Nahi Tha Kya Karein?
Ghabrane ki zarurat nahi! Agar aap pehle phase mein reh gaye thay, to ab aap dobara apna CNIC number 8171 per SMS karke ya portal per daal kar eligibility check kar saktay hain. Verification complete hone ke baad, aapko 13,500 rupees mil saktay hain.
Payment Lenay Ka Tarika:
Jab aapki eligibility confirm ho jaye, to aap in tareeqon se apni raqam hasil kar saktay hain:
-
BISP Payment Center:
-
Apna CNIC le kar kareebi center per jaayein
-
Biometric verification karwayein (fingerprint scan)
-
Apni raqam wahan se lein
-
-
Bank Account (ATM):
-
Agar aapka account BISP ke sath link hai to ATM se bhi paisay nikaal saktay hain
-
-
Easypaisa / JazzCash Franchise:
-
Biometric verification ke baad aap apni raqam franchise se bhi le saktay hain
-
Naye Updates:
-
Hukoomat jald ek mobile app launch kar rahi hai, jisse log asaani se apni maloomat access kar sakenge
-
Verification system ab zyada transparent aur secure hai, jisse fraud roka ja sake
-
Ek naya NSER survey bhi expected hai, is liye agar survey team aap ke ghar aaye to unse cooperation karein
Eligibility Kaun Kaun Hai? Aap tabhi ahl hain agar:
-
Aap ke paas valid CNIC ho
-
Monthly household income Rs. 50,000 se kam ho
-
Khandan mein koi sarkari naukri na ho
-
Koi zameen, gari ya property na ho
-
Kisi aur government aid program se faida na le rahe hon
-
NSER survey complete ho chuka ho
Aakhri Baat:
Agar aap waqai ahl hain aur pehle phase mein miss ho gaye thay, to ab ye moka haath se na jaane dein. Foran apni maloomat verify karwaayein aur apni financial madad hasil karein.
Sirf official BISP sources per bharosa karein kisi bhi fake message ya link ka shikar na banein.