Benazir Kafalat Program Women Disqualified Pakistan ka pehla aur unique initiative hai jo gareeb aur mustahiq khawateen ko financial support provide karta hai. Aaj ke time mein, takreeban 1 crore se zyada khawateen is program ke zariye cash assistance le rahi hain.
Lekin haal hi mein, BISP (Benazir Income Support Program) ne kai khawateen ko na-ahil qarar diya hai, jis ki wajah se bohot si khawateen pareshan ho gayi hain. Agar aap bhi affected hain to ghabrane ki koi baat nahi. Is article mein aapko bataya gaya hai:
-
Konsi khawateen ko program se nikal diya gaya hai
-
Rejoining ka process kya hai
-
Eligibility aur payment ka status ghar baithe kaise check karein
Konsi Khawateen Na-Ahil Qarar Di Gayi Hain?
Ab baat karte hain un khawateen ki jo ab Benazir Kafalat Program ka hissa nahi rahin.
BISP ne kuch arsa pehle sab khawateen ko bola tha ke apna Dynamics ya NSER survey complete karein. Kai logon ne survey complete kar liya, lekin kai khawateen ne ya to survey nahi karwaya, ya phir unka PMT score 32 se zyada aa gaya.
-
Jinka PMT score 32+ tha, unhein last payment mil rahi hai, lekin future mein koi payment nahi milegi
-
Jin logon ne survey hi complete nahi kiya, unko payment abhi tak issue nahi hui
Program Mein Dobara Kaise Shamil Hon?
Agar aap disqualify ho chuki hain, to dobara program mein shamil hone ka tareeqa yeh hai:
1. Un Khawateen Kaun Nahi Wapas Aa Saktin?
Jin ka PMT score 32 se zyada tha, wo next 3 saal tak program mein wapas nahi aa sakti.
2. Jin Ka Survey Reh Gaya Tha
Aisi khawateen ko chahiye ke wo apne qarib tareen BISP Tehsil Office jaa kar dobara NSER survey complete karwain. Lekin yaad rakhein ke survey complete karne ke baad bhi turant shamil nahi kiya jata. Jab tak BISP officially new entries allow nahi karta, aapko wait karna padega.
Ghar Baithe Eligibility Aur Payment Check Karne Ka Tareeqa
Eligibility ya payment ka status check karna ab bohot easy ho gaya hai. Aap ke paas kuch simple tareeqay hain:
1. 8171 Web Portal
Apna CNIC number web portal pe daalein aur foran pata karein ke aap eligible hain ya nahi.
Visit: https://www.bisp.gov.pk/
2. SMS Through 8171
Apne naam pe registered mobile se apna CNIC number 8171 pe send karein. Kuch seconds mein reply mil jaye ga.
3. Visit BISP Office
Agar aapko manual check karwana hai, to apne area ke BISP Tehsil Office mein jaa kar apna ID card number den. Wahaan ke representative aapko sari information provide karein ge.
Aakhri Batein
BISP ka yeh decision ke kai khawateen ko program se nikal diya gaya hai, un ke liye waqai pareshani ka sabab bana hai. Lekin is article ka maqsad aapko complete aur clear guidance dena tha:
-
Konsi khawateen ko na-ahil qarar diya gaya
-
Dobara kaise shamil ho sakti hain
-
Eligibility kaise check ki jaye
Agar aapko is topic se related koi bhi question ho, to zaroor comment karein. Hum aapko foran jawab dein ge.